Ei ny tid for Grønland

For om tre veker blir det innført sjølvstyre og den danske makta over verdas største øy blir redusert.

Større råderett over eige land har skapt ny optimisme blant grønlendarane.

Store ressursar

Rett nok skal Danmark framleis har kontroll over både utanriks-, forsvars og pengepolitikken, men mange ser det likevel som at ei ny tid blir innleidd 21. juni.

Det er stor tru på at landet skjular enorme olje- og gassressursar, og det gir håp om nye arbeidsplassar og betre økonomi.

Vi er på besøk i den vesle bygda Illimanaq, som ligg ei to timars båtreise unna kommunesenteret. Ei vakker, men sttrabasiøs båtreise blant berg av is, i nettopp Isfjorden.

Inutittfolket ber balanserer mellom tradisjonelt levesett med fangst og fiske, og forbrukarsamfunnet. Men dei skal feire sjølvstyret 21. juni.

Lysare framtid

Arne Lange er ein av 86 innbyggjarar i ei bygd der verkeleg ingen skulle tru at nokon kunne bu. Som 75 prosent av alle grønlendarar røysta han ja til utvida sjølvstyre under folkerøystinga i fjor.

No er det berre få dagar til at draumen blir verkeleg, og Arne Lange meiner framtida ser lysare ut no når grønlendarane no blir meir herrar i eige hus.

Kulturarbeidar Simon Løvstrøm er ein av mange som ser lyst på framtida.

- No blir vi godtekne som eige folk, og det har styrkt sjølvkjensla vår, seier han. Han trur på fleire arbeidsplassar og økonomisk utvikling.

LES OGSÅ: Tronarvingar på klimatur til Grønland