Det skjer samstundes som eit utkast til den nye naturmangfaldlova i tre år har vore kasteball i departementa.
Maren Esmark i WWF er av dei som no er utålmodig.
Esmark fryktar at intern kamp i departementa undergrev lova som skal skjerme dei 2000 trua artane her i landet.
- Dei ulike sektordepartementa sit no og vatnar ut og øydelegg dette flotte lovutkastet, seier Esmark.
Vedgår frontar
Statssekretær i Miljøverndepartementet Heidi Sørensen seier at det har teke lang tid fordi det er eit omfattande arbeid.
Ho vedgår at det har vore frontar departementa imellom.
- At det har vore politiske dragkampar om ei så viktig lov, trur eg alle skjønar at er slik det må vere, seier ho.
Men Sørensen understrekar at lova etter planen skal kome seinare i haust.
Sommarfuglart forsvunne
Av artane som i mellomtida ikkje finst meir i norsk natur er blåmjeltsommarfuglen.
Den pryda eit av postkorta som miljøminister Erik Solheim i mai sende til alle ordførarane i landet som del i ein kampanje for artsmangfald.
Sommarfuglen brukte å flagre i naturreservatet på Fornebu i Bærum, men no har denne sommarfuglen blitt den første frå postkortkampanjen som har forsvunne frå norsk natur.