Sentralstyret i Kristeleg Folkeparti har sagt ja til å offentleggjere dokumenta, dersom papira ikkje er gradert av tryggingsomsyn, men Bondevik står fast på sitt.
– Regjeringsnotat er per definisjon ikkje offentlege. Dei blir berre unntaksvis
frigjorde, og eg ser ingen god grunn til å gjere det i dette tilfellet, seier Bondevik til VG.
– Hadde god nok grunn
Han understrekar at han meiner avgjerdsgrunnlaget for å sleppe bomber over Serbia var godt nok i 1999, og valet om å gå til militært åtak var det rette.
LES OGSÅ:
LES OGSÅ:
– Ja, eg meiner regjeringa hadde godt nok grunnlag for avgjerdene våre, som det elles var brei tverrpolitisk slutnad om, seier Bondevik.
Saknar ærlegdom
Forfattar og journalist Kristian Kahrs, som bur i Beograd, skal skrive bok om den norske militære innsatsen for å beskytte Kosovo i 1999.
For å gjere det, har han bede om innsyn i dokumenta frå Bondevik-regjeringa.
Kahrs var presseoffiser for dei norske styrkane i Kosovo under krigen.
LES OGSÅ:
– Vi hadde ikkje nokon nasjonale interesser å forsvare med å gå til krig mot Jugoslavia, kanskje sett vekk ifrå at vi kunne risikere at USA ikkje hjelpte oss dersom det skulle oppstå ein krisesituasjon i Nord-Noreg, seier han.
– Det er denne ærlegheita eg saknar frå medlemane av Bondevik-regjeringa, held han fram.
Bakgrunn:
Noreg gjekk som ein del av ei NATO-styrke. til krig mot Serbia i 1999 for å stoppe det ein såg på som serbarane si etniske reinsing i Kosovo.
LES OGSÅ:
Bakgrunnen er at i 1989 blei Milošević president, og starta eit ultranasjonalistisk prosjekt med å foreine alle etniske serbarar i eit Stor-Serbia, som førte til mykje ulukke på Balkan.
Prosjektet blei gjennomført med militær makt og Jugoslavia blei difor utestengd av FN i 1992. Massakrane i Kosovo starta i 1998, som resulterte i at NATO bomba Serbia til dei trekte seg tilbake.
Etter krigen flykta 200 000 serbarar frå provinsen etter albanske hemnåtak. Kosovo erklærte seg som sjølvstendig stat februar 2008.
