Testen i dag gjekk føre seg med ein 787 som er tinga av det polske selskapet LOT. Turen gekk frå det enorme Boeing-anlegget i Seattle blant anna for å sjekke korleis batterisystemet fungerer i lufta.
Viktig test
Boeing ser på testflyginga som ein viktig del av arbeidet med å få luftfartsstyresmaktene igjen til å godta at flyet er trygt nok til å setjast inn i trafikk.
Det var i januar i år at alle fly av denne typen vart sette på bakken på grunn av at eit litium-batteri tok fyr etter at eit fly landa i Boston. Det kom røyk ut av eit batteri på ein 787 i Japan kort tid etter.
Både japanske og amerikanske luftfartsstyeresmakter granskar desse hendingane.
Nytt batterisystem
Boeing-talsmann Marc Birtel seier at flyginga i dag blei gjennomført for at flygarane skulle få teste landingsutstyret, det elektroniske backup-systemet og for å vise at det nye batterisystemet fungerer som det skal.
No skal testresulatet analyserast, og så vil arbeidet med å få tilbake sertifiseringa halde fram, blir det opplyst.
LES OGSÅ:
LES OGSÅ:
LES OGSÅ:
LES OGSÅ:
LES OGSÅ:
