NRK Meny
Normal

Åtvarar mot influensahysteri

- Mange av tiltaka mot svineinfluensaen har liten eller ingen effekt for å hindre smitte, ifølgje Folkehelseinstituttet.

Hans Blystad
Foto: NRK

Det vert sett i verk stadig nye tiltak mot svineinfluensa. Antibakterielle produkt står lett synleg i alle butikkar og dei kan kjøpast i alle tenkjelege variantar.

Men ifølgje overlege Hans Blystad ved Nasjonalt folkehelseinstitutt treng vi ikkje antibakterielle midlar så lenge vi berre har tilgang på vanleg vatn.

- Vanleg handvask er vanlegvis vel så bra, og godt nok i den vanlege, personlege hygienen.

- Har ikkje stor verknad

Tidlegare i dag melde NRK at dei store matvarekjedene ICA og Meny no mellom anna kuttar ut å servere kundane smaksprøvar , på grunn av smittefaren ved slike tilbod. Samstundes ber arbeidsorganisasjonen HSH medlemmene sine om å kutte ut matservering ved møte.

Dette meiner Blystad er å dra det litt langt.

- Desse tiltaka har nok ikkje så stor verknad på influensaepidemien. Men det er viktig at folk engasjerer seg. Vi har jo eit sosialt fellesansvar for å prøve å avgrense denne epidemien så godt som mogleg, seier han.

Tre enkle råd

Bodskapen frå Blystad er at det ikkje finst nokon grunn til å avgrense sosial omgang eller kutte ut matservering. Det er heilt andre, og veldig enkle grep som skal til:

  • Jamnleg handvask med såpe og vatn.
  • Ikkje host eller nys på andre.
  • Hald deg heime derom du er sjuk.

- Tek vi desse enkle hygieneråda, så kan vi forhalde oss til kvarandre slik vi har gjort før, seier overlegen.

Laster innhold, vennligst vent..
Laster innhold, vennligst vent..

SISTE NYTT

Siste meldinger