Brann sløkt i trebåt i Bergen

Det brann i lugaren på den eldre trebåten av typen «Colin Archer», fortel vaktleiar i 110 Vest, Jostein Steinsland Hauge til NRK. – Då brannvesenet kom fram, gjekk vi inn med skjærsløkkjar gjennom veggen og fekk kjølt ned rommet. Så har vi gått inn med røykdykkar og sløkt resten innvending. Det er trongt og ikkje verdas lettaste jobb, men vi fekk sløkt det klokka 16.55, seier Hauge. Det vart ikkje gjort funn av personar eller dyr i båten.