Avgjerda til NRK om å leggje ned Norsktoppen blir teke opp i spørjetimen i Stortinget.
- Eg vil be kulturminister Trond Giske sjå på saka, og gjere sitt for at NRK gjer om vedtaket, seier mediepolitisk talsmann i FrP, Ulf Erik Knudtsen.
Han er svært skuffa over NRK som har vedteke å leggje ned programmet.
Les:
Dermed kjem vedtaket opp spørjetimen i Stortinget 5. mars.
Blandar seg ikkje inn
Kulturminister Trond Giske skjønar ikkje poenget med at Frp trekkjer spørsmålet inn i Stortinget.
NETT-RADIO:
- Det høyrer heilt andre regime til at Storting, regjering og departement blandar seg inn i kva program ein radiostasjon sender, meiner Giske.
Personleg er Trond Giske glad i Norsktoppen, men han blandar seg ikkje inn i NRK sin programpolitikk.
- Vi politikarar kan godt ha ynskjer og meiningar om kva NRK sender, men vi skal halde oss langt unna kva program redaktørane i NRK vel av å sende, seier kulturministeren.
- Gløym det FrP
Dersom Stortinget ikkje endrar vedtaket etter spørjetimen, er det mogleg for FrP å leggje fram saka når Stortinget seinare i år skal diskutere programpolitikken til NRK.
Valgjerd Svartstad Haugland er styremedlem i NRK og tidlegare kulturminister. Ho meiner FrP kan gløyme å få gjort om avgjerda til NRK.
- Trond Giske kan ikkje gjere noko som helst med vedtaket. Det er heilt og fullt opp til NRK å avgjere sin eigen programpolitikken, seier Haugland.
- Arrogant av NRK
Knudsen meiner programmet gjennom 35 år vist at det er viktig for norsk musikk.
– Det er arrogant av NRK å leggje ned eit program som har over 365 000 lyttarar i gjennomsnitt, seier han.
Nedlegginga av Norsktoppen har ført til opprør landet rundt. Det er tydeleg at programmet har sett spor i den norske folkesjela.
Les: