Ramin-Osmundsen innrømmer tysdag kveld at ho besøkte det nyutnemnte barneombodet Ida Hjort Kraby på hytta.
Besøket fant stad då Kraby var tilsett som dommarfullmektig i Lofoten på 90-tallet.
Ramin-Osmundsen møtte Per-Kristian Foss (H) og Siv Jensen (FrP) i Redaksjon EN i kveld. Politiske komentatorar frå VG, Dagsavisen og NRK stilte også opp.
Arne Strand i Dagsavisen meiner statsråden har opptredd på kanten av det ein kan tillate.
- Dette kan ende med at Ramin-Osmundsen må trekkje seg, seier han.
- Må vurdere å gå
FrP-leiar Siv Jensen meiner barne- og likestillingsministeren har handtert utnemninga av barneombodet så klønete at ho bør vurdere å trekkje seg.
Les:
- Ho har tukla det til, og viser gjennom denne prosessen at ho ikkje skjønnar dei konstitusjonelle spelereglane. Det er svært alvorleg, seier Jensen.
Nestleiar i Høgre, Per-Kristian Foss, er nøgd med at tilsetjinga av nytt barneombod blir teken opp i kontroll- og konstitusjonskomiteen i Stortinget.
Les:
- Det er grunn til stille spørsmål ved prosessen. Men eg trekkjer ikkje konklusjonar før eg får svar på dei spørsmåla vi har stilt. Statsråden skal få høve til å svare for seg, seier Foss.
- Har skadd barneombodet
Kyrre Nakkim i NRK trur barne og likestillingsministeren står støtt og rir det heile av. Verre er det med barneombodet.
- Ramin-Osmundsen har skadd truverdet til barneombodet. Det kan ende med at Ida Hjort Kraby må kaste handkledet, seier han.
Arne Strand meiner Ramin-Osmundsen har takla saka svært dårleg.
- Fyrst sa statsråden at ho ikkje kjente Kraby, etterkvart innrømmer ho at dei er i same nettverk, påpeikar han.
Elisabeth Skarsbø Moen i VG meiner barne- og likestillingsministeren har dårlege kort på handa.
- Ramin-Osmundsen kan ha gjort Kraby ei bjørneteneste, seier ho.
NETT-TV: