- Eg angrar ikkje

- Er du nøytral i ei strid mellom undertrykkjar og undertrykte, har du i røynda teke standpunkt for undertrykkinga, sa Kåre Willoch i Redaksjon EN i kveld.

Video nsps_upload_2009_1_15_21_3_4_2561.jpg
Denne videoen er dessverre ikke tilgjengelig. Kontakt oss dersom du har spørsmål.

Tidlegare statsminister Kåre Willoch møtte i kveld Line Khateeb, som er leiar i Palestinakomitten, og rabbiner Joav Melchior og forstander Anne Sender i Det Mosaiske Trossamfund til debatt i Redaksjon EN.

Kommenter debatten nedst i artikkelen.

Bakgrunnen for debatten var ei ytring Willoch kom med under ein radiodebatt og konflikten på Gazastripa i slutten av desember.

Willoch meinte då at Obama sitt val av ein stabssjef med jødisk bakgrunn ville føre til ein meir Israel-venleg politikk frå USA si side.

- Hat mot jødar

Utsegna har fått skodespelar og forfattar Mona Levin til å seie at Willoch syner "rasisme og hat mot jødar".

Video nsps_upload_2009_1_15_20_31_12_2544.jpg
Denne videoen er dessverre ikke tilgjengelig. Kontakt oss dersom du har spørsmål.

Video: Willoch vert skulda for jødehets

- Han har halde på i 20-30 år, og det har berre vorte meir og meir, sa Levin i samband med debattprogrammet Tabloid på TV2 i går kveld.

På spørsmål om han angrar noko av det han har sagt, svarer Willoch nektande.

- Nei. Eg ser jo no at det som var meint som ei sakleg påvising av at valet av ein person som etter alt å døme held meir med Israel enn med palestinarane kunne oppfattast som eit signal om at ein ikkje ville få den naudsynte omlegginga av politikken, men rett oppfatta hadde dette overhovudet ingenting med jødehat og antisemittisme å gjere, sa han under debatten i Redaksjon EN.

Les også: - Levin vrenger uttalelsene

- Irrasjonell og einsidig

Forstandar Anne Sender i Det Mosaiske Trossamfund seier Willoch sine utsegn gjev henne frysingar på ryggen.

- Utvalet ditt av historiske fakta og måten du legg dei fram på, gjev deg rett alltid, seier ho og skuldar Willoch for å ikkje syne måtehald og empati.

- Eg har djup respekt for deg som politikar, men i debatten om Midtausten er du irrasjonell og einsidig i støtta til palestinarane, sa Sender til Willoch.

Siterte Mandela

- Det vert synt til nøytralitet heile tida, men dersom du er nøytral i ei strid mellom undertrykkjar og undertrykte, har du i røynda teke standpunkt for undertrykkinga. Det var Nelson Mandela som sa dette, svara Kåre Willoch.

- Møter meir hat

- Det er ikkje berre Willoch, men heile den politiske debatten som bidreg til jødehat og antisemittisme, meiner rabbinar Joav Melchior i Det Mosaiske Trossamfund.

- Skal vi snakke om lidingar, må vi snakke om lidingar på begge sider. For å skape fred må vi ha forståing for den andre parten også. Vi må spørje oss kva det er som gjer at ein hatar kvarandre slik, seier Melchior og åtvara om at fleire jødar i Noreg no er redde.

- Jødar møter mykje meir hat på gatene i Noreg no. Slik skal det ikkje vere. Vi må sjå på kva lidingar israelarane har også, seier Melchior.

SISTE NYTT

Siste meldinger