Dei pårørande er varsla.
Ein mann i 50-åra er erklært død etter trafikkulykka i Vefsn kommune.
Det opplyser politiet i Nordland i ei pressemelding.
– Førar i personbilen blei erklært død av lege på staden. Den avdøde er ein person i 50-åra, opplyser operasjonsleiar May-Wenche Hansen.
Ein personbil og ein lastebil kolliderte med kvarandre i Drevja i Vefsn kommune, måndag ettermiddag.
Politiet fekk melding om trafikkulykka klokka 16.21.
Front mot front-kollisjon
– Personbil og lastebil, med to personar involvert hadde køyrt inn i kvarandre, front mot front, opplyser Hansen.
På ulykkesstaden er fartsgrensa 80 kilometer i timen. Som følge av ulykka er vegen stengd på staden, og det er omkøyring via Forsmovegen.
Politiet har oppretta sak og ulykkesgruppa til Statens vegvesen er på veg til staden.
