Stormen «Alex» har rasa frå seg ute i Atlanterhavet.
Der tok han mellom anna ni menneskeliv på Mexicos sørkyst, og tre liv på Cuba.
Han var den første i årets orkansesong som starta i Agatha i Stillehavet. Ein stund hadde han orkan styrke.
No treffer han Noreg.
Men det er ikkje akkurat tropiske forhold som ventar oss likevel.
Dramatikk over Atlanteren
– Det er restane av restane, kan du seie, seier Ranndveig Eikhild, vakthavande meteorolog ved Meteorologisk institutt.
Stormen heiter «Alex» og kjem frå Atlanterhavet utanfor Orlando.
Og der laga han verkeleg rabalder.
I Sør-Florida og på Cuba laga han springflod. I Florida blei gater oversumt, og folk vart sittande frast fleire stader på grunn av vatnet.
På Cuba falt det over 300 mm nedbør på berre 30 timar.
Kan vente oss ein del regn
Til helga kjem altså denne bråkemakaren til Noreg.
– Men kor mykje av stormen er att til oss?
– Det kjem nok ikkje tropiske forhold. Det blir regn og gråvêr, og det blir ikkje så veldig varmt, seier Eikhild.
Alex har nemleg rasa frå seg på vegen mot Noreg.
Han ramla inn i eit anna lågtrykk utanfor Island og difor er det restane av restane som no kjem til å regne over oss.
– Regnet treff Vestlandet på fredag. Der kjem ruskevêret til å liggje og surre helga igjennom.
Utover laurdagen trekk nedbøren lenger nord, og sørover mot Rogaland. Sørlandet går klar av den tropiske stormen, men der vil det likevel halde fram med å regne.
– Austlandet, derimot, kan vente seg regnbyer frå den tropiske stormen. Og der blir det litt meir vind generelt, seier Eikhild.
Laga torestormar over dammen
I Mexico førte Alex til heftig torevêr. Då han låg om lag 120 km nordvest for Cozumel den 2. juni vart han utpeikt som ein potensiell tropisk syklon.
– Kjem det til å bli mykje torevêr i Noreg?
– Det ser ut til at det i alle fall kan bli litt torevêr i Trøndelag i løpet av morgondagen, og det trekk heilt opp til Helgeland.
Også på Austlandet må ein sjå opp for lyn og torevêr.
– Men det er ikkje noko mot kva dei hadde i Amerika, seier meteorologen.
Litt varmare i nord
Det blir altså ikkje dei heilt tropiske forholda.
Men i nord, der temperaturen har låge på omkring 10 grader dei siste dagane, kan dei i alle fall vente seg litt varmare vêr.
– I nord vil temperaturen gå litt opp. Det kan stige om lag fem gradar, men så vil det jo også regne, så det er ikkje sikkert det er så lett å merke, seier meteorologen, som peiker på at ettermiddagsbyer er relativt vanleg på sommaren.
– I dag har det haldt seg mest i indre strøk, no kjem det til resten av landet. Det blir rett og slett litt meir nedbør til helga enn vi har sett tidlegare denne veka.