– Det har vore ei typisk godvêrsnatt med mange festar på verandaer i dei tusen heimar, seier Ivar Bo Nilsson hjå Politiets operasjonssentral.
Og lista med hendingar i natt er lang. Men ein region har greidd å halde seg unna bråk.
– Eg vart fortald då eg skulle gå gjennom hendingane i natt at eg skulle merke meg at ingenting har skjedd i Ofoten, seier Nilsson.
Fleire valdshendingar – og ein stygg finger
I Bodø fekk ein mann ei tann slegen ut under eit slagsmål. Mannen kom seg sjølv til legevakta, og to andre involverte vart vist bort frå staden.
I Sandnessjøen hamna ein overstadig rusa person i klammeri med ei vakt. Personen vart vist vekk frå sentrum av politiet, og vart meld for forstyrre ro og orden.
På Sortland nekta ein gjest å forlate ein utestad. Politiet kom til staden for å syne hen vekk. Personen vart meld for å ha forulempa ein tenestemann ved å vise fingeren.
- Les også:
I Svolvær kom politiet over ein person som låg på bakken og blødde frå bakhovudet. Personen hadde blitt slått ned, og politiet har oppretta sak.
I Mosjøen melde ein utestad om problem med ein overstadig rusa gjest. Politiet sette personen i arresten for natta.
I Svolvær igjen vart det meld om ein ung mann på 19 som kasta om seg med stolar. Dette skjedde visstnok då han skulle kastast ut for å ha brukt falsk legitimasjon. Mannen vart meld av politiet.
Fleire ungdommar skapte trøbbel på Sortland i natt:
Både i Bodø, Mosjøen og på Sortland vart sjåførar anten stoppa eller hamna i ulukker som følgje av ruspåverka køyring.
– Det har vore stor pågang med meldingar til Politiet i natt. Mange støymeldingar og slikt, seier Nilsson.
- Les også:
