Staten må legge sterke avgrensingar på førarkorta til dei yngste bilførarane.
Det meiner Trygg Trafikk er naudsynt for å få ned talet på ulukker på vegane.
No vil organisasjonen ha staten med på ei prøveordning med forbod mot natt - og helgekøyring.
Restriksjonar
- Ein bør som 18-åring få ein del restriksjonar på køyringa. Til eksempel bør ein ikkje få lov til å køyre om natta, i helgane og ein bør heller ikkje få ha passasjerar, seier fylkessekretær Harald Heieraas i Trygg Trafikk.
18- åringer har 40 gonger større risiko for å bli utsett for trafikkulukker enn førarar over 25 år. Statistikken viser også at risikoen fell kraftig etter at dei unge bilførarane har hatt lappen i eit år.
Prøveordning
No ber Trygg Trafikk Samferdselsdepartementet om å innføre ei prøveordning der dei yngste bilførarane kun får førarkort med sterke avgrensingar.
Trygg Trafikk viser til særs gode resultat med avgrensa førarkort andre stadar i verden.
- I Canada har dei gjort nokre særs positive forsøk med avgrensa førarkort. Dei har redusert talet på ulukker iblant 18-åringar med 30-40%, seier Heieraas.
Skal vurdere
Samferdselsministar Liv Signe Navarsete seier at ho skal vurdere forslaga som kjem.
- Eg skal vurdere forslaga som kjem, men kan ikkje idag seie noko om dette er noko eg kjem til å gå inn for. Men eg tykkjer det er eit positivt innspel og tykkjer det er interessant å sjå kva ein har gjort i andre land, seier Navarsete.
