100 smånissar er samla i fjøsen på Hamarøy bygdetun. Dei er skapt av ei nissemor, som har drøymt om smånissar sidan ho sjølv var lita jente. Sigrid Rasmussen vaks opp på ein gard i Ulvsvågfjell, og var full av fantasi som lita jente.
Video: Sjå nissane på Hamarøy bygdetun.
- Dei eldre fortalte historiar, og i mørketida høyrde vi at det tusla og tasla på låven. Då eg blei fortalt om nissane, skapte eg meg bileter av dei. Eg syntast det var koseleg, og gleda meg eigentleg til mørketida, seier ho.
Nissemor Sigrid Rasmussen.
Foto: Kjell Mikalsen / NRKDå Rasmussen seinare kom tilbake til garden som vaksen, kom minna frå barndommen tilbake.
- Bileta kom tilbake, og eg ville dele dei med andre, seier ho.
Nissemora har brukt rundt eitt år på å lage 100 nissar. Ho har sydd, strikka og forma ansikt. No står nissane utstilt i fjøset på bygdetunet.
Ettertrakta nissar
Nisseutstillinga er svært populær. Både barnehagar, skuleelevar og busslaster med pensjonistar kjem på besøk. Stadig vekk stikk det innom nokon som er litt ekstra nysgjerrig på kva som går føre seg i fjøset.
Bak kvar nisse ligg mykje arbeid.
Foto: Kjell Mikalsen / NRK- Er det nokon som vil kjøpe nissane dine?
- Ja, eg har fått mange spørsmål om det. Men eg kan jo ikkje selgje dei, for då blir dei borte ifrå meg. Dei må jo stå her, seier Rasmussen.
