20 lam gjekk tapt i fjøsbrann

Natt til søndag har det vore brann i eit fjøs i Beiarn kommune i Salten. Rundt 20 lam gjekk tapt i brannen.

– Brannen har starta i ein traktor som stod i nærleiken av fjøset. I fjøset var det 200 dyr. Flesteparten av desse fekk eigarane ut sjølv. Med unntak av 20 lam som dei ikkje fekk ut før fjøset var overtent.

Det seier Mari Lillestø, operasjonsleiar ved Nordland politidistrikt.

Politiet etterforskar brannen, men mistenker ikkje at noko kriminelt har skjedd. Eigarane har sjølv meldt om brannen til politiet.

Veterinær er tilkalla for å sjå til dyra som overlevde brannen.

– Brannvesenet har god kontroll. Det er heilt nedbrent i fjøset, seier Lillestø.

Brannvesenet hadde kontroll i 2-tida i natt.