Hopp til innhold

Fleire gratis ferjer i statsbudsjettet

Regjeringa vil gjere fleire ferjesamband gratis i årets statsbudsjett, og auke rabatten på ferjer langs riks- og fylkesvegar.

Det erfarer Dagsavisen.

Ifølge avisa vil statsbudsjettet innehalde ein auke i ferjesatsinga på 390 millionar kroner frå fjorårets budsjett.

Det vil seie ein totalpakke på 420 millionar kroner som skal gå til gratis ferjer og billegare billettar.

Regjeringa legg fram sitt forslag til statsbudsjett i dag klokka 10.

I fjorårets budsjett blei ferjer på alle samband med under 100.000 passasjerar årleg gjort gratis. I komande budsjett er det foreslått å utvide ordninga til å omfatte gjenståande ferjesamband til lokalsamfunn og øyer utan vegsamband.

Vidare foreslår regjeringa å auke rabatten på ferjebilletten frå 30 til 50 prosent.

Ferja Olav Duun,
Foto: Espen Sandmo