Fakta
LYD OG VIDEO
Hjelp | Mer lyd og video
ALT OM:
- Sjå direktesendinga frå Oslo rådhus
- Sjå direktesendinga frå fakkeltoget
- Nobels fredspris 2003
Det offisielle programmet på den store Nobeldagen startar klokka 09.15 for fredsprisvinnaren, Ho møter representantar for utvalde media i Nobelsuiten på Grand Hotell. Før dette skal ho møte CNN-reporter Jonathan Mann, som skal intervjue henne på direkten seinare på dagen.
Klokka 11.35 skal Shirin Ebadi møte rundt 3000 skuleborn ved sjøsida utanfor Oslo rådhus. Etter programmet blir ho her i rundt 10 minutt.
Shirin Ebadi signerer fredsprisprotokollen på Nobelinstituttet i Oslo. (Scanpix-foto)
Klokka 12 skal Shirin Ebadi til Slottet i audiens hos kronprins Haakon, som er fungerande regent medan kong Harald er sjukmeld.
Mellom kl. 12.15 og kl. 12.50 skal den iranske fredsprisvinnaren kome til Oslo rådhus for sjølve utdelinga. NRK1 startar si direktesending klokka 12.50, og NRK.no sender også direkte. Sjølve seremonien startar klokka 13 og er venta å vare til 14.25.
Mellom 17 og 18 blir Ebadi intervjua av Jonathan Mann frå CNN, det skjer også på Rådhuset.
Frå klokka 18.55 er det fakkeltog framfor Grand Hotell, der Shirin Ebadi vil helse dei frammøtte frå balkongen i Nobelsuiten.
Deretter er det offisiell Nobelmiddag på Grand Hotell, som er siste punkt på det offisielle programmet onsdag.
Torsdag
Torsdag 11. desember har fredsprisvinnaren følgjande program:
KLokka 09 møter ho statsminister Kjell Magne Bondevik på hans kontor i regjeringskvartalet. Etter møtet blir det ein kort pressekonferanse.
Klokka 11.15 møter Ebadi utanriksminister Jan Petersen på hans kontor i Utanriksdepartementet.
Klokka 12 skal ho møte Stortingets utanrikskomite på Stortinget.
Klokka 13.30 er detlunsj på den iranske ambassaden i Oslo.
Klokka 15.30 skal ho møte skuleelevar frå Oslo på Rådhuset.
Dagen blir avslutta med den store Nobelkonserten i Oslo Spektrum, der ekteparet Catherine Zeta Jones og Michael Douglas skal vere programleiarar. Konserten held på til cirka klokka 23.
Fredag
Klokka 10 fredag 12. desember blilr Shirin Ebadi til stades på eit møte på Senter for menneskerettar i Universitetsgata i Oslo.
Frå klokka 12.15 til 12.40 vil fredsprisvinnaren signere bøker på Nordlis bokhandel i Oslo.
Klokka 15.45 reiser Shirin Ebadi frå Oslo lufthamn Gardermoen med kurs for Paris.