Polarcus Alima la ut frå Hammerfest den 15. september og brukte ni dagar på å gå dei 3000 nautiske mila til Cape Dezhnev i Beringstretet. Skipet er no på veg vidare for eit oppdrag ved New Zealand.
Skipet er spesielt sertifisert for å gå i isen og er dermed i stand til å gå denne ruta som heilt fram til dei siste åra har vore svært vanskeleg å passere på grunn av is.
Vanlegvis går skipa gjennom Panamakanalen på ei slik ferd, og i høve til dette var innsparinga denne gongen på åtte dagar. Skulle ruta ha gått gjennom Suezkanalen ville innsparinga ha blitt på tretten dagar.
Store innsparingar
Brua på Polarcus Alima
Foto: PolarcusAdministrerande direktør i Polarcus, Rolf Rønningen, seier at den vellukka navigeringa langs den nordlege ruta gjer at ein får store innsparingar i drivstoff, utslepp og tid.
– Dette gir Polarcus ei ny sjøbru mellom to viktige marknader, seier Rønningen.
Polarcus Alima er eit nytt skip og blei levert i mars i år.
Ruta til Polarcus Alima gjennom Nordaustpassasjen
Foto: Google
