Wolff Eikrem forlenger med Molde
Molde-kaptein Magnus Wolff Eikrem forlenger med klubben. Det melder Molde FK sjølv i ein video på Twitter. Wolff Eikrem har signert ei kontrakt som varar ut 2025. 32-åringen kom tilbake til Molde i 2018 etter å ha spelt i fleire klubbar i utlandet.
– Først og fremst er eg utruleg stolt for å halde fram i klubben i tre år til. Eg er Molde-gut, som mange andre av gutane på laget, og då er det ekstra gøy at vi gjer det så bra. Det er spennande tide, så eg gler meg til fortsettinga, seier Wolff Eikrem til MFK si nettside.
