Vurderer å legge opp

Ingrid Tørlen vurderer å gi seg etter at makker Nila Håkedal må legge opp på grunn av ein skade.

Ingrid Tørlen
Foto: Sander Heggheim/NRK

Tidlegare i dag blei det klart at Nila Håkedal sin skulderskade er så alvorleg at ho legg opp.

Les også: Tørlen-makker legger opp

250 reisedøgn i året

No kan det hende at også Ingrid Tørlen legg sandvolleyballen på hylla.

- Eg har ein kropp som fungerer godt, men eg må finne ut om eg har nok å gi. Dette treng eg litt tid til å tenkje på, seier Tørlen.

Men Tørlen er klar på at ho kan gi seg etter årets sesong.

- Det er veldig rart å tenke slik. Men eg må berre finne ut om eg villeg til å satse så mykje som eg gjer.

Sandvolleyball på toppnivå er tidkrevjande. Tørlen seier at dei har hatt opp mot 250 reisedøgn i året.

- Blir rart med ny makker

Tørlen og Håkedal har spelt ilag i åtte år. No kan det hende at Tørlen må vinne seg ein ny makker. Ålesundsjenta vedgår at det blir merkeleg.

- Det har berre vore Nila for meg. Men det er klart at det blir merkeleg å fortsette utan Nila, seier ho.

Ho vil ikkje seie noko om sjansane for at ho held fram.

- Uff, magefølelsen varierer frå time til time.