Utdanningstilbodet er eit samarbeid mellom Volda, Høgskolen i Ålesund og fylkeskommunen. Det nye tilbodet skal vere meir fleksibelt enn dagens utdanning, og gjere det mogleg for søkjarar å kombinere jobb og skule.
Slit med rekruttering
– Vi håpar verkeleg å få fleire inn i utdanninga frå hausten 2015. Vi ser behovet og vi må satse på eit slikt tilbod, slik at vi får fleire utdanna lærarar ved våre yrkesfagsskular, seier assisterande fylkesutdanningssjef, Rune Opstad.
- Les også:
Svært mange yrkesfag slit med både rekruttering til læraryrket og til formell undervisingskompetanse. Berre i Møre og Romsdal manglar 100 lærarar i den yrkesretta utdanninga formell pedagogisk kompetanse i tillegg til sin yrkesbakgrunn.
Det er allereie laga konkrete planar for eit utdanningsprogram, men tilbodet er avhengig av at finansieringa kjem på plass.
– Det som vi ventar på no er eit signal frå departementet om midlar til denne satsinga. Når dette er på plass, så vil det neste vere å få rekruttert folk til å ta faget og bli lærarar med fulle rettar, seier Opstad.
- Les også:
Samarbeid med næringslivet
Utdanning av fleire yrkesfaglærarar er også viktig for næringslivet som vil ha gode fagfolk.
Ordninga som no vert planlagt er derfor i tett samarbeid med store firma som vil leggje til rette for at fagutdanna tek vidareutdanning for å bli lærarar. Opstad trur det også kan bli aktuelt med finansiell støtte.
– Eg har hatt mange gode samtalar med fleire i næringslivet. Dei er einige i at om ein skal få dyktige folk i næringslivet, så må ein også ha dyktige folk til å utdanne dei som skal ut i arbeid. Næringslivet har derfor vore ein god samarbeidspartnar når det gjeld å få ei yrkesfagslærarutdanning til Volda, seier han.
- Les også: