– Eg skal ikkje prate for mykje om opprykk, men å avslutte med eit opprykk i Hødd hadde vore sinnssjukt. Så det er lov å drøyme, men det er framleis eit stykke opp og fram.
Over telefonen ser ein føre seg gliset til Sivert Heltne Nilsen når han pratar. Hødd sin midtbanespelar, frå Volda, pratar om serieavslutninga og om korleis hans noverande klubb minst skal klare kvalikplass.
Draumen er hente inn Stabæk på den andre direkte opprykksplassen, eller kjempe seg gjennom kvalifiseringa til Eliteserien.
- Les også:
Augnar minst kvalik
Søndag tok dei sin
. Hødd står no med 13 av 18 poeng på dei seks siste kampane, og ligg på tredjeplass i 1. divisjon med seks serierundar igjen av sesongen.– Ja, no augnar vi minst kvalikplass, og det er det som no har vore målet. Då må vi vinne heime, noko vi har byrja å gjere igjen, seier Heltne Nilsen til NRK.
Hødd tapte tre heimekampar på rad før dei vann fire på rad.
– Vi er gode heime, så om vi tek poeng i bortekampane òg no, så ser det veldig bra ut. Vi har full heng på kvalik, og no må vi berre stå løpet ut.
I 1. divisjon rykkjer nummer éin og to direkte opp. Bodø/Glimt er allereie klare i praksis, medan Stabæk ligg på andreplassen – fem poeng føre Hødd.
I tillegg til dei to øvste, har dei fire neste på 3. til 6. plass moglegheita til å rykkje opp. Nummer tre møter seks, medan nummer fire møter fem. Vinnarane av dei to oppgjera – over to kampar – møtest i ein «kvalikfinale» for 1. divisjon. Vinnar av denne kampen møter laget i Eliteserien som kjem på tredje sisteplass – kvalikplassen.
– Hadde vore ei stor oppleving
Heltne Nilsen trur det kan bli vanskeleg å hente Stabæk, men viser til at laget frå Bærum har eit tøft kampprogram.
– Går dei på nokre smellar håper eg vi er der og luktar på andreplassen. Men kvalik er som sagt målet, og det trur eg vi klarer, seier Hødd-spelaren sjølvsikkert.
– Men dersom de klarer andreplassen, eller går gjennom kvaliken: Kor rart hadde det blitt å møte Hødd
i Eliteserien?– Det hadde vore utruleg artig å spele i Eliteserien på Høddvoll uansett kva lag eg spelar for. Det hadde vore ei stor oppleving. Hødd er ein klubb som betyr utruleg mykje for meg, og at dei gjer det bra ... det er ikkje noko eg heller vil, fortel Heltne Nilsen.
Éin faktor han meiner talar for Hødd er at dei veit – klisjéfylt nok – at alt er mogleg.
– Vi viste det i cupfinalen i fjor, og veldig mange av oss tenkjer verkeleg at alt er mogleg. Vi ser ikkje avgrensingane, og akkurat det er eit svært bra utgangspunkt å ha, avsluttar den Vålerenga-klare Hødd-spelaren.
Trur du Hødd klarer det utrulege og rykkjer opp til Eliteserien? Sei meininga di i kommentarfeltet under.
- Les også:
- Les også: