Sidan valet i 2007 har Sunnmørslista vore ein del av ein fleirtalsallianse med dei tre andre partia, men denne avtalen gjeld ikkje lenger. Årsaka er at den inngåtte samarbeidsavtalen er for "Romsdals-orientert".
- Vilkåra i avtalen er ikkje mogleg å leve med for Sunnmørslista, seier Randi Asbjørnsen.
Romsdalsorientert
Ho vedgår at det er utsiktene til at det kan verte ein fylkesordførar frå Romsdal som er problemet. Ifølgje Asbjørnsen har partia samarbeida godt, nettopp fordi noverande fylkesordførar er frå Sunnmøre, nemleg Olav Bratland frå Stordal.
To blokker
Det store spenningsmomentet i fylkestingsvalet er kva for alliansar som vil gi fleirtal etter valet. Det avgjer kven som vert sittande med makta. Mykje tyder på at det vert ein kamp mellom to blokker. Når Sunnmørslista no har sagt nei til ein avtale med Høgre, Frp og KrF er dette spørsmålet langt meir ope.