St. Olavs ønskjer å ta hand om dei som er fødde før 28. svangerskapsveke, i tillegg til behandling av barn som er fødde ved termin, men som har store komplikasjonar under fødselen.
- Overraskande
Neonatalavdelinga i Ålesund har i fleire år vore nedleggingstruga, men i 2007 blei det vedteke at behandlinga skal skje både i Trondheim og i Ålesund. Derfor kjem dette forslaget overraskande på mellom anna avdelingssjef Ove Økland i Ålesund.
- Dette var gjennom ei grundig behandling som enda med eit styrevedtak i 2007. Og der vart konklusjonen at det ikkje var faglege eller økonomiske årsakar til å sentralisere ytterlegare.
Økland seier at dei òg fann ut at ei slik sentralisering vil koste ekstra.
- LES:
- LES:
- Inga endring
Har det skjedd noko dei siste åra som tilseier at det er fagleg forskjell mellom Ålesund og St. Olavs?
- Nei, ingen tal viser det, seier Økland.
- LES:
For tidleg å seie noko om resultatet
Saka kan kome opp i løpet av 2012, i den såkalla eigarstrategisaka.
Men fagdirektør i Helse Midt-Norge, Nils Eriksson, meiner det er altfor tidleg å seie om det blir lagt opp til ei sentralisering.
- Eg vil ikkje uttale meg i kva retning den eine er betre enn den andre. Det er ikkje det som er avgjerande for denne saka.
Kva er det som er avgjerande?
- Det er litt uklare meiningar mellom fagfolk om det beste er å samle dei minste nyfødde på ein stad for å få meir trening i å behandle dei.