Til dette arbeidet er Magne Grimstad frå Osberget AS hyra inn som konsulent i nokre månader. Det betyr også at den rutinerte kommunepolitikaren frå Arbeidarpartiet med vilje har spelt seg utover sidelinja i den vidare politiske behandlinga av ny kyrkje i Ulsteinvik.
Magne Grimstad frå Osberget AS er hyra inn som betalt konsulent for innsamlingsaksjonen
Foto: Arne Flatin / NRKGrimstad seier at han ønskjer å vere kyrkjebyggar og han vil bidra ved å skape engasjement rundt innsamlinga.
Ulstein sokn vil samle inn tre millionar kroner årleg dei neste 10 åra. Dermed må dei ha ein heil del folk som vil bidra.
Det nye kyrkjekonseptet er teikna av Snøhetta, og prislappen kjem truleg til å ligge på knapt 100 millionar kroner.
Bygget skal ligge nær den noverande trekyrkja, som framleis skal brukast. I dag leiger Ulstein sokn lokale fleire stader i kommunen. Med den nye arbeidskyrkja vil alt kunne samlast under eitt tak.
Viktig engasjement
Sokneprest Margit Lovise Holte meiner det er viktig at folk engasjerer seg i den nye kyrkja, og at ein slik innsamlingsaksjon kan vere ein måte å gjere det på. Då dei bygde den gamle kyrkja på 1800-talet var det bønder som bidrog. I 2016 er kanskje ikkje kyrkja like viktig for det breie lag av folket, men likevel er det mange som allereie har sagt dei vil bidra.
Margit Lovise Holte, sokneprest i Ulstein
Foto: Arne Flatin / NRKUlstein sokn håper bygginga kan starte allereie neste år, og at den nye arbeidskyrkja kan stå ferdig alt i 2019.
Magne Grimstad seier at Ulstein kommune med dette bygget vil vere meir komplett som by. Det har vore ei enorm utbygging i sentrum dei siste åra, og det aller nyaste, Ulstein Arena er ferdig om knapt eitt år.
Den nye kyrkja vil stette mange behov. Hugs at den gamle kyrkja langt frå er tilpassa behova som er i dag. Gamlekyrkja vart bygd ute på Ulstein i 1849, og seinare flytta inn til sentrum. Den nye kyrkja skal stå i 100 nye år, meiner Grimstad og Holte.
