Det bles kraftig langs heile kysten laurdag. På fv. 47 mellom Berkvika og Mork i Volda kommune har ei stor grein losna frå eit tre som følgje av vinden.
– Greina som har losna i den store bøken vil truleg kunne gå gjennom både frontrute og tak på ein bil dersom uhellet er ute, melder ein tipsar til NRK.
På E136 ved Skuggentunnelen dekker eit tre delar av vegbana.
Storm og regnbyer
Yr.no har sendt ut OBS-varsel for Møre og Romsdal og Trøndelag. Frå laurdag kveld er det venta sørvest liten storm på kysten og i fjellet. Vinden vil minke på sundag føremiddag.
Det er også venta regnbyer i dag og i kveld.
– Laurdag ettermiddag og kveld vil det blåse full storm ved Stad, og liten storm på kysten av Sunnmøre, seier meteorolog Kari Bergsfjord ved Vervarslinga ved Vervarslinga for Vestlandet.
Båt dreiv mot land
To personar måtte få hjelp etter at båten dei sat i dreiv mot land ved Tyskholmen i Borgundfjorden, det melder politiet.
– Sivile personar kom raskt til staden og har fått båten på slep, fortel John Bratland, operasjonsleiar i Sunnmøre politidistrikt til NRK i 15-tida laurdag.
Dei to skal ifølgje politiet vere uskadd.
Også på Valle i Skodje vart det funnet ei kvit 13 fots Pioner jolle drivande ved Flåteholmen laurdag formiddag. Denne var tom, og politiet etterlyser eigaren av båten.