Sjukepleiaren frå Skodje trur det fører til at døyande pasientar lir meir enn nødvendig.
- Manglande kompetanse i personalet har nok dessverre gjort at enkelte pasientar ikkje har fått den lindringa dei burde hatt på slutten av livet, seier ho.
- Må få verdig avslutning
FEKK HJELP: Siv Torheim fekk hjelp då mannen var sjuk. Du kan høyre henne fortelje i radioinnslaget i artikkelen.
Foto: Frieda Wik / NRKStadig fleire vel vekk sjukehuset når tida nærmar seg for å døy. Sjukepleiar Kristin Beate Skodjevåg meiner helsearbeidarar på små stader må lære meir om korleis dei skal pleie pasientar som berre har kort tid igjen.
- Når ikkje det er meir behandling å gi, må ein kunne få ei verdig avslutning på livet. Ein skal ikkje lide med smerte, kvalme, uro og angst, meiner Skodjevåg.
SMERTESTILLANDE-SEMINAR: Onsdag var det seminar for helsepersonell i Skodje. Der fortalde Siv Torheim at ho hadde god hjelp frå helsepersonell. Reporter er Frieda Wik.
- Må vite kvar grensa går
Skodjevåg meiner mange pasientar i dag får ei undøvendig tøff avslutning på livet, fordi sjukepleiarar og legar er usikre når det kjem til bruk av smertestillande.
- Me veit at om det blir for mykje, så kan pasienten døy. Det er skrekken som heile tida følgjer oss. Med meir kunnskap veit ein betre kvar grensa går, meiner sjukepleiaren.
