Sjåføren, som var åleine i bilen, kom ifrå ulukka utan skader.
Foto: Robert KvamIngen personar vart skadd, men bilen vart totalvraka etter at han hamna utfor vegen i Sykkylven i kveld.
– Ein patrulje på staden har sett på skadane bilen har fått og meiner dei kan ha ein samanheng med høg fart, seier operasjonsleiar Arild Reite til NRK.
Det er no opp til juristane å vurdere om det er noko som skal straffeforfølgjast. Operasjonsleiaren meiner det er godt mogleg at det skjer.
– Det er klart at når ein bil går rundt, er det ikkje det same som å ha trilla ut i grøfta, kommenterer han.
Politiet opprettar derfor sak på den mannlege sjåføren. Mannen skal vere i 30-åra og kjem frå Italia.
