Var ikkje ei mine, men eit rusta grasklipparhjul
Eksplosivryddarar frå Forsvaret har vore på Straumsnes i Tingvoll og fjerna gjenstanden nokon trudde var ei mine. Det var ikkje ei mine eller anna eksplosiv, men eit svært rusta hjul til ein gammal grasklippar, skriv politiet på Twitter. Forsvaret sine folk opplyste at gjenstanden lett kunne forvekslast med ei mine, og gav honnør til den som hadde meldt frå. – Han har gjort alt korrekt.
På Straumsnes i Tingvoll fann nokre arbeidarar ein mistenkeleg gjenstand ved eit hyttefelt. Dei trudde at det kunne vere ei mine. Politiet tok kontakt med Forsvaret og sperra av eit område på 100 meter.
