NRK Meny

Slik går det når vikarlæraren aldri har strikka

Ved Tennfjord skule skal 4.-klassingane strikke kvar sin apekatt. Problemet er at læraren aldri har tatt i to strikkepinnar før.

Det er slett ikkje lett å lære kunsten å strikke. Det har elevar ved Tennfjord skule erfart.

Det er ikkje lett å lære seg kunsten å strikke.

Artikkelen er flere år gammel.

Bendik Tennøy Urkedal

Bendik Tennøy Urkedal har fått dreisen på strikkinga og har blitt så god at han kan hjelpe læraren.

Foto: Jannicke Farstad / NRK

I dag er det nasjonal strikkekveld på NRK med 12 timars strikkemaraton. 4.-klassingane på Tennfjord skule i Haram hadde også strikking på timeplanen i dag. Men det er ikkje lett å lære seg strikkekunsten og unngå å sleppe ned mauskar. Å rope til læraren om hjelp var heller inga løysing i dag.

– Er det rett og vrang det heiter, spør vikarlærar Knut Åkre. Han har aldri i sitt liv strikka før.

Heldigvis er det to assistentar i klasserommet som kan kome til hjelp når krisa er nær. Heidi Røv er ein av dei og skulle gjerne ynskt at dei var endå fleire vaksne.

– Det er vanskeleg å ta opp att flokane og hente opp mauskane som ramlar ned, seier Røv. Ho innrømmer glatt at ho ikkje er så glad i å strikke sjølv heller.

For mange mauskar

Knut Åkre

Vikarlærar Knut Åkre har aldri strikka før, så han kan ikkje hjelpe elevane.

Foto: Jannicke Farstad / NRK

I fylgja mønstra på apekatten skal det vere 15 mauskar på pinnen. Det er det slett ikkje alle som har. Mange har auka kraftig.

– Spørsmålet er korleis vi skal redusere talet. Eg trur det må rekkast opp. Det forsto eg også, seier Åkre.

Celina Longva Slyngstad synest det er litt keisamt å strikke.

– Det er så mykje arbeid, seier ho.

Bendik Tennøy Urkedal er oppteken av at det ikkje skal bli hol i strikketøyet. Han er litt stolt over at han er flinkare til å strikke enn læraren, og viser gjerne korleis Knut Åkre skal kome i gang med strikkinga.

På sjøen

Sjølv om læraren ikkje kan å strikke, har han vore mykje på sjøen. Så når garnet flokar seg, veit han råd.

– Eg er god til å greie opp hyseline. Å knyte opp garn er like vanskeleg som å løyse opp sena på fiskesnøret, seier Åkre.

Siste video/lyd

Mange geitebønder i landet vil ha den elektriske geiteklaven til Gjemnesbedrifta Nofence. Produksjonen pågår for fullt, men geiteklaven er enno ikkje godkjend. Gründerbedrifta treng beitesesongen 2017 for å gi Mattilsynet dokumentasjonen dei krev.
Dei fleste har meir enn nok med å SJÅ utfor kanten på den hundre meter høge Zakariasdammen i Tafjorden på Sunnmøre.
Men det finst folk som vil betale for å få seg ein luftig tur. Og frå neste veke av kan dei gjere akkurat dét...
Fiskesperra som skal redde den nasjonale lakseelva Driva, blir slakta av ekspertar på behandling av gyrosmitte. Miljødirektoratet er ansvarleg for prosjektet til seksti millionar kroner. Dei meiner det trengst berre små justeringar.