NRK Meny

Utsett kutt etter sterke reaksjonar

Fleire kommunar er letta over at styret i Ambulanse Midt-Norge utsett omfattande kutt i ambulansetilbodet.

Tilsette og fleire kommuner er letta over at styret i Ambulanse Midt-Noreg utset omfattande kutt i ambulansetilbodet. Styret valde å ta omsyn til sterke reaksjonar i kommunane.

Mange har sendt brev til styret dei siste dagane etter at det blei kjent at det kan bli færre ambulansar og dårlegare beredskap.

Artikkelen er flere år gammel.

Petter Bjørdal er styreleder i Ambulanse Midt-Norge.

Styreleiar i Ambulanse Midt-Norge vil gjennomføre risikoanalyse før den endelege avgjerda vert tatt.

Foto: NRK
Anders Riise

Ordførar i Hareid, Anders Riise (H), seier at konsekvensane av kutt er svært alvorlege.

Foto: Lena Stette Høyberg / NRK

Styret i Ambulanse Midt-Norge har samrøystes vedtatt å ikkje kutte i ambulansetenesta før dei har gjort ei meir grundig vurdering. Styret valte å ta omsyn til sterke reaksjonar i kommunane.

Mange har sendt brev til styret dei siste dagane etter at det blei kjent at det kan bli færre ambulansar og dårlegare beredskap.

Vil analysere risiko

Petter Bjørdal, styreleiar i Ambulanse Midt-Norge, opplyser at dei skal gjennomføre risikoanalyse før noko blir avgjort.

– Vi skal i nærare dialog med kommunane og ulike helseføretak, seier styreleiaren.

Etter lange møter torsdag meiner styret at kutta ikkje kan gjerast før dei har vore i dialog med kommunane.

– Ikkje godt nok

Anders Riise (H), ordførar i Hareid, er så langt nøgd med vedtaket. Men meiner likevel at det ikkje er godt nok enda.

– Det er framleis mykje å gjere. No er det opp til oss i kommunane å vurdere korleis vi skal angripe situasjonen som vi framleis står i. Det er ingenting som er klart hittil, seier ordføraren.

– Kommunane må bli høyrt

Han meiner at det skulle berre mangle at kommunane vert høyrt.

– Viss Ambulanse Midt-Norge kuttar ambulansar så vil konsekvensane vere at liv går tapt, seier Riise.

Siste video/lyd

Mange geitebønder i landet vil ha den elektriske geiteklaven til Gjemnesbedrifta Nofence. Produksjonen pågår for fullt, men geiteklaven er enno ikkje godkjend. Gründerbedrifta treng beitesesongen 2017 for å gi Mattilsynet dokumentasjonen dei krev.
Dei fleste har meir enn nok med å SJÅ utfor kanten på den hundre meter høge Zakariasdammen i Tafjorden på Sunnmøre.
Men det finst folk som vil betale for å få seg ein luftig tur. Og frå neste veke av kan dei gjere akkurat dét...
Fiskesperra som skal redde den nasjonale lakseelva Driva, blir slakta av ekspertar på behandling av gyrosmitte. Miljødirektoratet er ansvarleg for prosjektet til seksti millionar kroner. Dei meiner det trengst berre små justeringar.