Det skjedde ved at 10-åringar frå Riksfjord skule tok første spadestikk på ein nesten 3 kilometer lang gangveg til 8 millionar kroner frå Bakkemyra og utover mot Nyhamna.
Gangven er det første fysiske anlegget i samband med milliardutbygginga på Nyhamna i Aukra.
Trafikkfarleg veg
Til våren vedtar Stortinget utbygginga av Ormen Lange-feltet med ilandføring til Nyhamna i Aukra. Like etter startar anleggsarbeidet i Nyhamna og av omsyn til tryggleiken på vegen ut til Nyhamna vil ein snarast få gangvegen klar. Vegen er rekna som trafikkfarleg, og for berre ei veke sidan skjedde ein påkøyrsel av ein gut på sykkel nettopp på denne strekninga.
Spleiselag
Gangvegen går frå Bakkemyra, forbi Aker Aukra, til Hoksneskrysset og videre utover mot Nyhamna. - samla nøyaktig 2,8 kilometer veg. Dei 8 millionar kroner gangvegen vil koste er eit spleiselag mellom Aukra kommune, Norsk Hydro og trafikktryggingsmidlar frå fylkeskommunen.
Gassrøyr og vassleidning
I samband med bygging av gangvegen blir det også lagt gassrøyr i regi av bedrifta Preplast. Dessuten blir det ny vassleidning på strekninga der gangvegen går.
