– Det er alvorleg at vi ikkje har avtalar på plass med helseføretaket, seier rådgjevar Jan Eirik Søraas i Fylkeskommunen i Møre og Romsdal.
Han seier drosjetransport er ein viktig del av kollektivtilbodet dei har ansvar for.
Stor del av driftsgrunnlaget
I byane og tettstadane i fylket er rundt 80–90 prosent av køyringa ordinær drosjetransport, men i utkantkommunane er 90 prosent pasientkøyring. Det fortel kor viktig dette er for drosjene å ha en avtale dei kan leve av – forsvinn pasienttransporten, så forsvinn drosjetilbodet.
– Det er alvorleg for oss om distriktsdrosjene mister pasienttransporten. Det er klart at det vil by på store problem for oss om drosjene i distrikta forsvinn fordi det også vil gå utover anna bestillingstransport, seier Søraas.
Usikker framtid
No er uvissa veldig stor hjå mange drosjeeigarar om dei skal satse vidare, seier styremedlem i fylkesstyret av Norges taxiforbund, Ed Skjølseth.
– Det er stor uvisse. Folk veit framleis ikkje kva dei skal gjere. Vi veit ikkje om vi har noko arbeid å gå til om eit halvt år, seier han.
– Trur du mange vil falle frå?
– Viss det ikkje vert pasienttransport, trur eg at det vert ei stor avskaling ja, seier han.
- Les også:
- Les også: