Leiaren ved avdeling for kirurgi og akuttmedisin i Kristiansund, Hans Christian Ofstad, seier det går framover med mannen:
- Vi har sidan fredag hatt ein ung mann på respirator, men han er stabil og har hatt framsteg, seier Ofstad.
Stadig fleire sjuke
Og det kan bli fleire som blir så sjuke av svineinfluensa at dei må på sjukehuset. Informasjonssjef i Helse Nordmøre og Romsdal, Arnt Sommerlund, seier dei reknar med fleire pasientar den næraste tida:
- Vi opplever den same tendensen som i landet elles: når talet på positive prøver aukar, aukar også talet på pasientar, seier Sommerlund.
- Topp i desember
Dei to sjukehusa i Molde og i Kristiasund har lagt planar for å kunne ta imot tilsaman 138 pasientar dei neste vekene. For mykje tyder på at toppen av influensasjuke ikkje er nådd, men kjem først i desember. Pasienten i Kristiansund er den første i fylket som har blitt så sjuk av svineinfluensa at han er lagt i respirator. Sjukehusa i Ålesund og Volda har i følgje fagdirektør Odd Veddeng førebels ikkje hatt respiratorpasientar.