Hopp til innhold
Ulukke ved Remmetunnelen i Haram Møre og Romsdal
Foto: Josef Benoni Ness Tveit / NRK

Ulykke ved Remmetunnelen

  • To til akuttmottak etter ulykke

    Naudetatane er no framme på staden etter ei trafikkulykke like før Remmetunnelen i Haram. Totalt tre bilar med fire personar var involvert i ulykka. – To personar er sendt til akuttmottaket ved sjukehuset i Ålesund, seier Ragnvald Rasmussen, operasjonsleiar i politiet.

    I tillegg har ein person blitt tatt med til lokal legevakt. Den fjerde personen skal vere uskadd, ifølge politiet. Alle dei involverte kom seg ut av bilane etter ulykka og skal ha vore bevisste.

    Ein av bilane byrja å brenne etter ulykka, men brannen er no sløkt, melder politiet. Rasmussen i politiet seier at det er for tidleg å seie noko om kva som var årsaka til ulykka.

    Vegen er framleis stengt, men politiet opplyser at dei jobbar for å få opna det eine feltet.

    Ulykke ved Remmetunnelen i Haram
    Foto: Josef Benoni Ness Tveit / NRK
  • Fleire bilar involvert i ulykke

    Naudetatane er på veg til ei trafikkulykke på riksveg 659 like ved Remmetunnelen i Haram. Ulykka skal ha skjedd utanfor tunnelen. Tre bilar er involvert i ulykka. Ein av bilane skal vere i brann, ifølge politiet. Dei opplyser at det ikkje skal vere personar i bilane no, men at nokre av dei som var i bilane skal vere skadd. Ifølge politiet er skadeomfanget ukjent. vegen er stengt som følge av ulykka.