Det både Fylkesmannen og sauebønder i nabokommunane til Hornindal no undrar på, er om ulv vil dukke opp igjen på våre trakter og truge sauer på beite.
Fleire lam blei tekne av dage av ulven då han herja i saueflokkane i Sunnylven.
Foto: Tor Arne TryggestadI fjor sommar var det ulvejakt i to veker i Sykkylven etter at fleire sauer og lam blei funne døde på beite.Når det no er meldt om ulv igjen på andre sida av fylkesgrensa, vekker det uro hos sauebønder på indre Sunnmøre.
- Les også:
Vil vite
Fylkesmannen i Møre og Romsdal er kjent med observasjonane i Hornindal, og har vore i kontakt med Fylkesmannen der om saka. Det er ikkje meldt om tap av sau og lam i området.
Det blei gjort fleire observasjonar av den unge hannulven som i fjor sommar streifa rundt i fleire bygder på Sunnmøre.
Foto: Arve GarliSå langt i sommar er ulv ikkje observert i Møre og Romsdal, men viltforvaltar Astrid Buset hos Fylkesmannen ber alle som eventuelt ser ulveliknande dyr, melde frå.
Astrid Buset hos Fylkesmannen i Møre og Romsdal vil gjerne vite det dersom ulv dukkar opp på våre trakter.
Foto: Privat– Vi oppmodar folk om å følgje med og melde frå til Statens naturoppsyn om dei ser dyr som liknar på ulv, seier Buset.
Så ulv på seter
Det var for 14 dagar sidan at ei ung jente på joggetur til Holskarsetra i Hornindal, brått stod framføre det ho meiner var ein ulv.
Rovviltkontakt i Nordfjord, Ingolf Folven, festar stor lit til observasjonen. Det er ikkje meldt om tap av sau og lam i området, og Buset seier at det enno ikkje er stadfesta at det verkeleg var ein ulv jenta møtte.
- Les også:
- Les også:
Ulven som i fjor sommar herja i saueflokkane både i Stranda og Sykkylven, skapte stor uro blant sauebøndene. Ulven var ein ung hannulv, som hadde streifa heile 600 kilometer i luftlinje frå Sør- Sverige.
Han blei i slutten av juni skoten av eit kommunalt fellingslag i Sykkylven.
