Verftsdirektøren i Ulstein tek turen på kaia for å sjå nærare på vind-offshorefartøyet som nettopp har fått vatn under kjølen. Enno ein slik skal Ulstein bygge og levere i januar, men etter det er det tomt. Då har verftet levert den siste av to vind-offshorefartøy til Siemens.
Administrerande direktør ved Ulstein verft, Kristian Sætre, er open om at det er tøffe tider:
– Det er veldig stor konkurranse om oppdraga no. Difor er det ekstra viktig å kome ut med det beste designa, seier Sætre.
- Les også:
Vanskelege tider
I kantina på Ulstein verft står det ei lang rekke med modellar av skip som selskapet har levert opp gjennom åra, inkludert Hurtigruten. Men denne gongen nådde ikkje verftet opp i jakta på hurtigrutekontrakten. Den var det konkurrenten Kleven som fekk.
– Det å nå opp i ei konkurranse med elleve verft, både nasjonalt og internasjonalt, det er tøft. Og det kan berre bli ein vinnar, seier Sætre.
Ulstein har redusert talet på tilsette og har fleire i permittering i dei vanskelege tidene, noko verftsdirektøren gjerne skulle ha vore forutan.
– Det er klart at dagens situasjon ikkje er ønskeleg. Men vi berre må berre ta omsyn til den etter kvart som situasjonen endrar seg, seier Sætre.
- Les også:
- Les også: