Ho er avdelingsdirektør i Utlendingsdirektoratet (UDI) og seier det ikkje er vanleg at det er slike tilhøve ved norske asylmottak.
- Vi har vore på tilsyn på dette mottaket, og har funne ei rekkje feil og manglar ved mottaket som vi har bede dei om å rette opp. Det har dei fått frist til 8. mai å svare oss, fortel ho.
- Håper dei vil rette opp
I eit innslag på NRK Møre og Romsdal onsdag kveld fortel naboane til mottaket at dei vil at UDI skal kome på banen og stenge mottaket. Det er ikkje eit alternativ UDI vurderer no, seier Rustad.
- Vi håper at driftsoperatøren raskt vil rette opp dei feil og manglar som vi har peika på, slik at det ikkje blir aktuelt å stoppe dette mottaket, seier ho.
Ho seier at jobben som driftsoperatøren har gjort ikkje er tilfredsstillande utført.
- Les også:
- Kan seie opp kontrakten
- Vi ser at det er store utfordringar ved dette mottaket, og det har vi også sagt frå til operatøren om, og stilt krav til forbetring. Det håper vi skal kome veldig raskt.
Rustad fortel at utbetringane må kome, elles kan det bli andre følgjer for operatøren Kysthus.
- Vi har kravspesifikasjon til dei som driv asylmottak, og viss dei krava ikkje blir oppfylt kan vi seie opp kontrakten, seier avdelingsdirektøren.