Geiranger kan få naudnett neste år

Store deler av strekninga mellom Geiranger og Skjåk er utan naudnett. I tillegg er mobildekninga også dårleg. Kvar sommar kjem det enorme mengder med turistar og ordførar Jan Ove Tryggestad er klar på at no må naudnettet på plass for å gi reiselivsnæringa tryggleik.

– Vi har jobba med dette i mange år, men her som i mange andre samanhengar handlar det om økonomi, seier Tryggestad.

Eit håp neste år

Han meiner at det nesten er uforståeleg at området er utan naudnett når ein veit kor mykje folk som ferdast her.

LES OGSÅ:

• – Det er katastrofalt hvis Åkneset raser ut og nødnettet ikke virker
• – Heile naudnettsaka er ei skandale

No håper han på eit gjennombrot i saka og at eit nett frå Geiranger til Dalsnibba kan vere på plass i løpet av 2014.

Utan mobildekning

Stranda kommune vil også utfordre mobiloperatørane til eit samarbeid for å bygge opp eit mobilnett. I går var det synfaring med mellom anna selskapet Motorola.

– Sjøv om mobildekning ikkje er like viktig som eit naudnett, vil turistar og andre som vert utsett for uhell i området, oppleve det som vanskeleg å ikkje kunne ringe for å varsle, seier Tryggestad.