Vatne skal i januar ha eit møte med justisminister Knut Storberget om saka.
Prekært behov
Ifølgje Kriminalomsorg region vest er det eit stort behov for eit nytt fengsel på Sunnmøre, for fengselsituasjonen der er prekær.
Ifølgje kriminalomsorga er dagens 27 celler ved fengselet i Ålesund eit altfor lågt tal i forhold til behovet. Ålesund fengsel er også gamalt, og fasilitetane er dårlege.
Har tru på fortgang
Haram kommune har i fleire år vist interesse for å få bygt eit nytt og større fengsel for Sunnmøre i kommunen. Frå sentralt politisk hald har planane blitt møtt med interesse, men ingenting konkret har kome på bordet.
Haramsordførar Oddbjørn Vatne har tru på at det kan bli fortgang i planane etter møtet med justisminister Knut Storberget.