Episoden skjedde på Gomalandet i Kristiansund i desember i fjor, og ifølgje dommen trua han med å drepe sjåføren, dersom han ikkje fekk pengeveska. Ikledd ei svart hettejakke og hanskar trua smølamannen til seg 1400 kroner.
Alt fanga på kamera
Mannen hadde òg på seg ei kvit "Halloween-maske" som kan minne om den typen masker som målvaktene i ishockey brukar. Bussen hadde to passasjerar om bord då den stoppa på haldeplassen, og hendinga blei fanga opp av eit kamera som hang over bussjåføren.
Øksa funnen av politihundar
Ut ifrå den overvakingsvideoen skal mannen ha slått øksa hardt inn i sidedøra til høgre for sjåføren. Deretter skal manne ha tatt sedlane frå pengeveska og forsvunne ut av bussen. Det heile skal ha vart i om lag eit halvt minutt. På vegen vekk kvitta mannen seg med øksa som seinare vart funnen av politihundar.
- Les også:
- Les også:
Nekta for ran – innrømte å ha oppbevart narkotika
I dommen heiter det at dette var eit grovt ran fordi mannen trua med øks. Mannen nektar for å ha rana bussjåføren, men retten har ingen tvil om at det er han som er gjerningsmannen.
Mannen er også dømt for å ha oppbevart ei mindre mengder hasj og heroin heime hos seg sjølv, det har han også vedgått.
Aktor la ned påstand om at mannen skal bli dømd til eitt år og tre månader i fengsel, og han må betale 1400 kroner i erstatning til busselskapet innan to veker.
Tidlegare straffedømt
Mannen er straffa ei rekke gonger tidlegare. Han vart sist dømt i Nordmøre tingrett i august i fjor for kidnapping, vald og tjuveri. Då fekk han seks månader i fengsel.
Det blei sett på som skjerpande at mannen er domfelt og bøtelagd ti gonger mellom juli 2002 og mai 2012.