Trafikkulukke på Solevågseidet

Det var like før klokka halv åtte onsdag morgon at to bilar kolliderte i krysset mellom fv. 61 og E39 ved Solevågseidet i Sula kommune.

–Tre personar er frakta til legevakt med lettare personskadar, seier operasjonsleiar Borge Amdam ved Sunnmøre politidistrikt.

Alle naudetatar rykka ut til ulukka.

Ifølgje politiet skuldast ulukka ein påkøyrsel bakfrå. Førarkortet til ein mann i 30-åra er beslaglagt.

Det var ei stund kø forbi skadestaden. Like etter klokka halv ni gjekk trafikken som normalt.