Eit høgtrykk som held på å bygge seg opp over Skandinavia dei næraste dagane, gjer at den vertypen vi har no kjem til å vare ut over veka.
– Møre og Romsdal kjem veldig godt ut av dette, seier statsmeteorolog Martin Granerød.
I morgontimane varierte temperaturen frå minus fem til pluss fem.
– Sakte men sikkert ut over i veka blir det lågare temperatur.
Granerød fortel også at det blir frisk bris utsette stader i dag, og i kveld aukar det på til stiv kuling.
– Med låge temperaturar blir det tørt ver utover i veka, og det inneber at det ikkje blir snø. Også i morgon blir det søraust bris, eller liten til stiv kuling i utsette fjord- og fjellstrok. Lengst nord i fylket kanskje sterk kuling.
Natt til onsdag kan det bli minus fem til minus ti grader, i alle fall viss ein kjem litt vekk frå kysten.
– Men sola vil halde fram med å skine.