NRK Meny

Politiet set innbrot i samanheng

To innbrot i Haram og eit innbrotsforsøk i nabokommunen gjer at politiet set dei i samanheng. I Brattvåg er ein god del sølvtøy borte frå eit hus.

Laster kart, vennligst vent...

Det har vore innbrot på to plassar og gjort forsøk på innbrot ein tredje plass.

Det var i løpet av helga at tjuvar tok seg gjennom eit vindauge i ein bustad i Brattvåg. Ingen var heime, og tjuveriet vart først oppdaga søndag.

– Ein god del sølvtøy er borte frå huset, seier operasjonsleiar Borge Amdam ved Møre og Romsdal politidistrikt.

I 01.30-tida natt til søndag vart det gjort forsøk på innbrot i eit hus på Stette i Skodje, men vedkomande vart oppdaga av huseigaren og la på sprang.

Søndag vart det oppdaga nok eit innbrot i Haram. Det har skjedd i Eidsvika i Tennfjord, der huseigaren har vore bortreist. Politiet har gjort åstadsundersøkingar der søndag kveld.

Også der er det stole sølvtøy.

– Det er borte verdiar for titusenar av kroner, men vi veit ikkje kor mykje, seier Amdam. Politiet set sakene i samanheng og tek rundspørjingar i området. Politiet ber også publikum om tips.

– Vi har fokus på å skaffe mest mogleg informasjon, seier Amdam.

Siste video/lyd

Det blir no arbeidd med at delar av mannskapet på den arresterte trålaren Remøy skal kunne få reise heim frå Murmansk.
Norske styresmakter arbeider for å finne ei løysing for den arresterte trålaren frå Herøy.

Om bygginga av Nordøyvegen skal kunne kome igang til hausten, må innkrevinga av bompengar godkjennast av Stortinget før sommarferien.
Det er berre tre bønder att i Geiranger. Dei meiner ein ny fellesfjøs er det som må til om det skal vere dyr i turistbygda i framtida.