Det har vore ei motorsykkelulykke på E39 i Halsa.
Ein motorsyklist køyrde av vegen ved Utsikten i Valsøyfjord. Mannen i 60-åra er frå Sør-Trøndelag. Han er frakta til sjukehus med luftambulanse.
Fleire køyrde saman
Politiet fekk melding om ulykka klokka 13.41.
– Det var fleire motorsyklistar som køyrde saman, seier Jan Helge Kjøl i politiet til NRK Møre og Romsdal.
Sikrar spor
Politiet arbeider på staden med å sikre spor.
– Det er for tidleg å seie kor alvorleg skadd motorsyklisten er, seier Jan Helge Kjøl i politiet til NRK.