Om kort tid tar dei i bruk ein nyutvikla fórlekter bygd ved Vard Aukra.
Oppdrettsselskapet Marine Harvest ser eit stort potensial for verftsindustrien, om dei kan tilby offhoreekspertise i utstyr og fartøy til havbruk.
– Eit slikt samarbeid krev nytenking og vil heve kunnskapen for heile verftsnæringa, seier produksjonssjef Roger Pettersen i oppdrettsselskapet.
Konkurranse om oppdraga
Samtidig seier han at mange verft allereie sit på ein unik kompetanse på utstyr og fartøy, og ikkje minst tryggleik til sjøs.
Men selskapet åtvarar verfta om at betalingsviljen i havbruk ikkje er like stor som den har vore i oljebransjen.
– Både når det gjeld tryggleik og kvalitet kan vi dra nytte av verfta, men dei må vere konkurransedyktige.