Terrengbrann i Ålesund

Har avslutta etterforskinga etter terrengbrann

Politiet har avslutta etterforskinga etter den store terrengbrannen i Skarbøvika i Ålesund i november.

– Vi har lagt bort saka fordi vi ikkje har greidd å finne ein gjerningsperson. Vi har gjort undersøkingar, snakka om dei i nærområdet og bedd om opplysningar frå publikum, men det har ikkje ført til noko, seier Lars Eirik Steinsland i Møre og Romsdal politidistrikt.

Personar i ti bustadar blei evakuert som følge av brannen. Ingen blei skadd i hendinga.

Etterforskar framleis terrengbrann

Den store terrengbrannen i Ålesund 26. november er framleis under etterforsking. Ti bustadar blei evakuert då det byrja å brenne på Olsfjellet i Ålesund. Ingen blei skadd i hendinga.

Lars Eirik Steinsland i Møre og Romsdal politidistrikt seier at det framleis er uklart kva det var som starta brannen, men at saka framleis blir etterforska. – Om nokon har informasjon om saka så vil vi gjere at dei tek kontakt, seier Steinsland.

Har så langt ikkje funne brannårsak

Politiet etterforskar framleis brannen i terrenget i Skarbøvika i Ålesund. Seint laurdag kveld braut det ut ein stor brann i terrenget på Olsfjellet og ti bustadar blei evakuert.

– Vi har gjennomført ein del vitneavhøyr, rundspørjingar og undersøkingar. Så langt er brannårsaka framleis ukjent, seier Lars Eirik Steinsland i Møre og Romsdal politidistrikt.

Han fortel vidare at dei kjem til å gjere fleire åstadundersøkingar på staden. Dei ber også om tips.

– Dersom nokon har konkret informasjon så er vi sjølvsagt interessert i det, seier Steinsland.

Evakuerte får gå tilbake til hjemmene sine i Ålesund

De evakuerte som følge av brannen ved Olsfjellet i Ålesund natt til søndag får reise tilbake til hjemmene sine. Det opplyser politiet i Møre og Romsdal på Twitter natt til søndag.

Ifølge innsatsleder på stedet kan det se ut til at brannvesenet begynner å få kontroll på brannen.

– Status nå er at brannvesenet har klart å styre brannen slik de har ønsket, forteller innsatsleder Eva Welle.

Hun legger til at vindretningen i området vil være med på avgjøre hvordan brannen kommer til å utvikle seg.