HAUGESUND: Det var ein taus kronprins som søndag kveld entra den raude løparen med grønt slips i filmbyen Haugesund. Han og publikum i tre kinosalar ser søndag kveld "Bølgen" for første gong under filmfestivalen.
- Les kva NRK sin filmekspert meiner om "Bølgen":
Får terningkast 5 i fleire aviser
Hovudrolleinnehavarane i 'Bølgen'. F.v. Jonas Hoff Oftebro, Edith Haagenrud, regissør Roar Uthaug, Ane Dahl Torp og Kristoffer Joner.
Foto: Bendiksby, Terje / NTB scanpixFilmen får terningkast 5 i fleire aviser - og også hos NRK. Filmmeldar Birger Vestmo i NRKs Filmpolitiet skriv at filmen "Bølgen" er spennande og drivande underhaldning, og spår at han vil trekkje massene til kinosalane i haust.
Filmen er allereie selt til over 100 land, og norske kinosalar står no klare til å ta imot den første norske katastrofefilmen.
Men først skal Kronprins Haakon og deltakarane på Filmfestivalen i Haugesund få sjå "Bølgen" under førpremieren.
Kjend i sunnmørsfjella
Bølgja som raserer Geiranger i filmen 'Bølgen'.
Foto: Fantefilm Fiksjon/FilmwebFilmen "Bølgen" baserer seg på frykta for kva som skjer når fjellpartiet Åkneset kjem til å rase ut i Storfjorden og skape ei øydeleggande flodbølgje på 80 meter. Kronprins Haakon og resten av kongefamilien har vore mykje på Vestlandet, ikkje minst i sunnmørsfjella og i Geiranger.
Les også:
Ti minutt på seg til å røme
I filmen har innbyggjarane ti minutt på seg til å røme, når dei får varselet om at den enorme bølgja er på veg inn fjorden. Akkurat dette er noko av det som har fått kritikarane til å reagere på filmprosjektet. Men både skodespelarar, regissør og produsent strekar under at filmen er fiksjon, og ikkje fakta.
Onsdag om halvanna veke blir filmen vist i Geiranger, to dagar seinare er det premiere i norske kinosalar.
Les også:
