Som einaste norske utøvar vart Ragnhild Mowinckel frå Molde nummer 24 i verdscuprennet i utfor i Italia fredag føremiddag.
Berre ein gong før har alpinisten frå Rival fått ei like god plassering i utfor.
Frå start nummer 32 køyrde Mowinckel inn til 1.10,99, noko som heldt til 24.-plass og tangering av karrierebeste i utfor. Ho hadde også den samme plasseringa i utforen i Val d'Isere for to helgar sidan.
Vinnaren vart italienske Elena Fanchini.
Verdscupen for kvinner held fram i Cortina både laurdag og søndag.
Rennet i Cortina d'Ampezzo fredag er ei erstatting for det avlyste rennet frå Bad Kleinkirchheim sist helg.
