Ein mann i 60-åra, som vart funnen i Aure tysdag, døde. Dei pårørande skal vere varsla.
– Han vart funnen av forbipasserande, og vart erklært død på staden av naudetatane, seier jourhavande i politiet, Lena Romestrand.
Ho seier at dei ikkje har mistanke om at dødsfallet skuldast uhell i trafikken.
Det blei sett i verk livreddande tiltak på staden. Men livet sto ikkje til å redde.
Politiet melde først om hendinga rundt 16.40 tysdag. Alle naudetatane rykka ut til staden.
Truleg eit uhell
Hendinga skal ha skjedd i nærleiken av Sandvika ferjekai. Vegen, der syklisten blei funnen, var stengt ei periode som følge av hendinga.
Ifølge politiet ser det ut til å vere snakk om eit uhell, men dei gjorde undersøkingar på staden for å prøve å finne ut kva som har skjedd.
– Vi skal mellom anna undersøke sykkelen, sa Tor Andre Gram Franck, operasjonsleiar i Møre og Romsdal politidistrikt på tysdagen.
